ትክክለኛው እውነት

    Download Formats:

Chapter 1
ስለ ክፋት ትክክለኛው እውነት

በዚህ አለም ሰዎች ለማስተዋል ከሚሞክሩአቸው ታላላቅ ምስጥሮች አንደኛው ታላቅ ምስጥር ክፋትን በተመለከተ ነው። ሁሉን አዋቂና መልካም በሆነው እግዚአብሔር በተፈጠረችው ዓለም ውስጥ እንዴት ክፋት ሊጀመር ቻለ ?

በአለም ዙሪያ ለምንድን ነው ክፋት ገንኖ የሚታየው ? ለምንድን ነው በየቦታው ህመም፤ ድህነት፤ ሃዘን እና ስቃይ ብዝቶ የሚታየው ? ይሄ ሁሉ የሚሆነው እግዚአብሔር ሊረዳን ስለማይፈልግ ነው? እነዚህ መልስ የሚያስፈልጋቸው ጥያቄዎች ናቸው፡፡ መልሶቹም በመጽሐፍ ቅዱስ ውስጥ ይገኛሉ።

አስቀድመን ስለ እግዚአብሔር አንዳንድ እውነቶችን መገንዘብ አለብን፡፡ እግዚአብሔር ዘለዓለማዊ ነው፤ መጀመሪያ የለውም፤ ጊዜም አይወስነውም፡፡ ይህን እውነት ማስተዋል ለኛ እጅግ ከባድ ሊሆን ይችላል። የውቅያኖስን ውሃ በአንድ ኩባያ መያዝ እንደማይቻል ሁሉ የእኛም አእምሮ የእግዚአብሔርን ጥበብ ማስተዋል በፍጹም አይችልም::

መጽሐፍ ቅዱስ ሲጀምር የመጀመሪያው ጥቅስ እንደዚህ ይላል፤

"በመጀመሪያ እግዚአብሔር...." (ኦሪት ፍዘጥረት ምእራፍ ፩ ፤ ቁጥር ፩)። (ከስልሳ ስድስቱ የመጽሐፍ ቅዱስ

መጽሐፍቶች ውስጥ ኦሪት ፍዘጥረት የመጀመሪያው ነው። ከዚህ ቀጥሎ በዚህ መጽሐፍ በቅንፍ ውስጥ የተጻፉት ጽሁፎች ሁሉ ከመጽሐፍ ቅዱስ ውስጥ የተወሰዱ ጥቅሶች ናችው :: )

መጽሐፍ ቅዱስ እግዚአብሔር ግዜና ሰዓት ከመጀመሩ በፊት እንደነበረ ማብራሪያ አይሰጥም። ይህንን ግልጽ እና እንደ ታውቀ እውነት አድርጎ ያቀርበዋል።

መጽሐፍ ቅዱስ እግዚአብሔር ከእኛ ጋር ወዳጅነት ፈላጊ መሆኑን ያሳያል። እግዚአብሔር ሰው አይደለም። እግዚአብሔር መንፈስ ነው፤ እሱ በማንኛቸውም መንገድ ልክ የሌለው እና ባሕሪው የማይቀያየር ነው። ሃይሉ፤ እውቀቱ ፤ ጥበቡ ፤ ፍቅሩና ንጽህናው ከልክ በላይ ነው።

መለካት የማይቻለው ትልቅ የሆነው የእግዚአብሔር ፍቅር ፈጽሞ ራስ ወዳድነት የሌለበት ነው። ስለሆነም ገና ከመጀመሪያው ያለውን ደስታ ከሌሎች ጋር ለማካፈል ወደደ። ስለዚህም ፍጡራንን ፈጠረ። በመጀመሪያ ደስታውንና ክብሩን እንዲካፈሉ በሚሊዮን የሚቆጠሩ መላእክቶችን ፈጠረ ። ይህ የሆነው ስዉን ከመፍጠሩ በፊት ነበር።

እግዚአብሔርም ከመላአክቶቹ መሀከል አንደኛውን የፈጠረው የመላእክቶቹ ሁሉ ዓለቃ እንዲሆን ነበር:: ይህም መልዓክ ስሙ ሉሲፈር ይባል ነበር:: ምንም አንዃን ብአሁን ጊዜ ሉሲፈር የሚለው ክፉ ስም ቢሆንም: በዚያን ጊዜ ከመላእክቶች ሁሉ በላይ የተከበረ ፣ በጥበብ የተሞላ ፣ መልከ መልካም እና የመላእክቶች ሁሉ የበላይ ነበረ።


እግዝአብሔርም ስለ ሉሲፈር እንደዚህ አለ:

" ውበትህም የተፈጸመ መደምደሚያ አንተ ነህ… አንተ ልትጋርድ የተቀባህ ኪሩብ ነበርህ… ከተፈጠርህበት ቀን ጀምረህ በደል እስኪገኝብህ ድረስ በመንገድህ ፍጹም ነበርህ። (ትንቢተ ሕዝቅኤል ምእራፍ ፪፰ ፤ ቁጥር ፩፪ - ፩፭)።

እንደ ሌሎች ግኡዝ ፍጥረቶች እንደ ከዋክብቶች እና ዛፎች ሳይሆን ሉሲፈር እና ሌሎቹ መላእክቶች ለእግዝአብሔር ለመታዘዝ ወይም ላለመታዘዝ የመምርጥ ነጻነት ነበራቸው::

ሰው ግብረገብነት ያለው ባህሪ እንዲኖረው ከፈለገ ከሁሉም መጀመሪያ የነጻ ምርጫ ያስፈልገዋል:: ከዋክብቶች

አና ዛፎች ነጻ ምርጫ ስለሌላቸው መልካምም ሆነ ክፉ ማድረግ አይችሉም:: ነጻ ምርጫ ስለሌላቸው የእግዝአብሔርን ትእዛዝ ያለማሰብ ይፈጽማሉ:: ስለዚህም የእግዝአብሔር ልጆች መሆን አይችሉም:: በሳይንቲስት የተፈጠረ ሮባት ከሳይንቲስቱ ልጆች የበለጠ ያለምንም ማጉረምረም የታዘዘውን በሙሉ በትክክል ይፈጽማል! ነገር ግን ሮባቱ ለሳይንቲስቱ ልጅ ሊሆን አይችልም!

ሰው ግብረገብነት ያለው ባህሪ እንዲኖረው ከፈለገ ሌላ የሚያስፈልገው ነገር ህሊና ነው :: ወፎችና ሌሎች

እንስሳቶች የፈለጉትን ነገር ማድረግ ይችላሉ:: ነገር ግን ህሊና ስለሌላቸው የግብረገብነት ባህሪ የላቸውም:: ስለዚህም ቅዱሳን ወይም ኃጢአተኖች መሆን አይቻላቸውም:: ከዚህም ሌላ እግዝአብሔር የግብረገብነት ባህሪ ስላለው የእግዝአብሔር ልጆች መሆን አይችሉም

በእርግጥም ወፎችና እንሰሳዎች ልጆች ሊሆኑ አይችሉም:: ውሻን አሰልጥኖ የሚሰጠውን ትዛዝ እንዲከተል

ማድረግ ቢቻልም ወሻው በፍጹም ልጅ ሊሆን አይችልም:: ልጅ የሚኖረውን የወላጅ ተፈጥሮ ውሻው

ሊኖረው አይችልም:: እግዝአብሔር ግን ሰውን በምስሉ ስልፈጠረ ልጆቹ መሆን እንችላለን::

መላእክቶች የተፈጠሩት ከነጻ ፈቃድ እና ከህሊና ጋር ነበር:: ስለዚሀም በዚያን ጊዜ ከነበሩት የእግዝአብሔር

ፍጡራን መሃል የተለዩና የግብረገብነት ባህሪ የነበራቸው ነበሩ:: ሆኖም መሪያችው ሉሲፈር ግን መጥፎ ሃሳብና

ፍላጎት ነበረው:: ይህ ፍላጎትም ለፍጥረት ሁሉ የጥፋት መነሻ ሆነ::

የሉስፈር አስተሳስብ መጥፎ ከመሆኑም በላይ ትእቢት፤ ማፈንገጥ እና ማጉረምረምም ነበረው:: እስከዚህ ጊዜ ድረስ ተፈጥሮ በሙሉ ምንም ያልጎደለው እና ንጹህ ነበር:: አሁን ግን ጥፋት አስጠያፊ ባህሪውን ከነጻ ምርጫ ጋር በተፈጥረው መልአክ ልብ ውስጥ መሰረተ::

ጥፋት መጀመሪያ ላይ የሚጠነሰሰው ልብ ውስጥ መሆኑን መገንዘብ ያስፈልጋል:: በዚያን ጊዜ መጥፎ ሃሳብ ልብ ውስጥ እንዲፈጠር ያደረገ ከሰውነት ውጭ የሆነ ምንም ነገር አልነበረም:: ዛሬም ቢሆን ጥፋት መጀመሪያ ላይ የሚጠነሰሰው ልብ ውስጥ ነው::

ሌላው ማስተዋል ያለብን ነገር የመጀመሪያውን ኃጢአት ወደ ዓለም ያመጣው ኩራት መሆኑን ነው:: ከዚያም

እግዝአብሔር ሉስፈርን ከአጠገቡ አባረረው:: ሉስፈርም ከዚያን ጊዜ ጀምሮ ሰይጣን ተባለ::

መጽሐፍ ቅዱስ የሉሲፈርን አውዳደቅ እንደሚከተለው ይገልጻል:


" አንተ የንጋት ልጅ አጥቢያ ኮከብ ሆይ፥ እንዴት ከሰማይ ወደቅህ! አሕዛብንም ያዋረድህ አንተ ሆይ፥ እንዴት

እስከ ምድር ድረስ ተቈረጥህ!... አንተን በልብህ። ወደ ሰምይ ዐርጋለሁ፥ ዙፋኔንም ከእግዚአብሔር ከዋክብት በላይ ከፍ ከፍ አደርጋለሁ፥ በሰሜንም ዳርቻ በመሰብሰቢያ ተራራ ላይ እቀመጣለሁ፤ ከዳመናዎች ከፍታ በላይ ዐርጋለሁ፥ በልዑልም እመሰላለሁ አልህ። ነገር ግን ወደ ሲኦል ወደ ጕድጓዱም ጥልቅ ትወርዳለህ።" (ትንቢተ ኢሳይያስ ምዕራፍ ፩፬ ቁጥር ፩፪ እስከ ፩፭)

ሉሲፈር ከመባረሩ በፊት ብዙ መላአክቶች ከሱ ጋር አንድያፈነግጡ አግባብቶ ነበር:: ሉስፈርን ተከትለው የሄዱት በሚሊዮን የሚቆጠሩ ሲሆኑ ፤ ከጠቅላላው መላአክቶች ውስጥ አንድ ሶሥተኛውን ያክል ነበሩ (ዮሐንስ ራእይ ምእራፍ ፩፪ ቁጥር ፬):: እግዝአብሔር ሉስፈርን ሲያባርር ተከታዮቹንም ጭምር አባረረ::

በአሁን ጊዜ ሰውን የሚበጠብጡ እና የሚያስችግሩ እርኩስ መንፈሶች እነዚህ ከእግዚአብሔር ዘንድ የተባረሩ የቀድሞ መላእክቶች ናቸው::

በነዚህ የሰይጣን መንፈሶች ፤ በጥንቆላ ወይም በአስማት ለምትቸገሩ ሁሉ መጽሐፍ ቅዱስ መልካም ዜና አለው:: ይሄውም ከነዚህ መንፈሶች ሁሉ ለዘለዓለም ነጻ መውጣት እንደሚቻል ነው::

ይህንን መጽሐፍ በጥንቃቄ አንብባችሁ ስትጨርሱ እግዚአብሔር ሊያደርግላችሁ የሚችለውን ተአምር ትገነዘባላችሁ::

አንዳንድ ሰዎች "በዓለም ላይ ላለው ችግር ሁሉ መክንያት ሰይጣንና እና ሌሎች እርኩሳን መናፍስት ከሆኑ ለምንድን ነው እግዚአብሔር የማያጠፋቸው?" ብላችሁ ትጠይቁ ይሆናል ::

እግዚአብሔር ከፈለገ በአንድ አፍታ ይህን ማድረግ ይችላል:: ነገር ግን አያደርገውም::

ይህ የሚገልጻው እግዚአብሔር ታላቅ በሆነው ፤ በማይለካው ጥበቡ እና ባለው ፕላን መሠረት ሰይጣን እና እነዚህ እርኩስ ምንፈሶች አንዲኖሩ መፍቀዱን ነው:: ለዚህም አንደኛው ምክንያት ሰው በዚህ ዓለም ሲኖር ችግር፤ ፍርሃት፤ አደጋዎች አና የመሳሰሉት ሲገጥመው የዚህን ዓለም ምቾት ትቶ ወደ እግዚአብሔር በመመለስ ዘለዓለማዊውን አንዲሻ ያደርገዋል::

የዚህ ዓለም ኑሮ በምቾት የተሞላ እና ህመም ፤ ስቃይ ፤ ማጣት ፤ ሃዘን እና የመሳሰሉት ባይኖሩ ማንም ስለ እግዚአብሔር የሚአስብ ባልኖረ ነበር:: ነገር ግን በምድር ስንኖር በጭንቀታችን ጊዜ ወደ እሱ እንድንመጣ እግዚአብሔር ሀዘንን ፤ ፍርሃትን እና የመሳስሉትን ይጠቀማል::

የሚወደን እግዚአብሔር የተለያዩ ሰይጣን የሚያመጣብን ፈተናዎችን ፤ ችግሮችን እና በሽታዎችን በሕይወታችን እንዲገጥሙን የሚፈቅደው እሱን እንድንሻ ስለሚያደርጉን ነው:: ይሄ እግዚአብሔር ፍቅሩን የሚያሳይበት አንድ መንገድ ነው ማለት ይቻላል::

የመጽሐፍ ቅዱስም መልእክት ይሄው ነው::

እግዚአብሔርን ይወድ የነበረ አንድ ነጋዴ ነበረ:: ንግዱ እየጨመረ እና እየበለጸገ ሲሄድ እሱም ከእግዚአብሔር

እየራቀ ሄደ:: የቤተ ክርስቲያኑም ሽማግሌዎች ወደ እግዚአብሔር እንዲመለስ ደጋግመው ቢሞክሩም ነጋዴው

ግን ግዜውን ሁሉ በንግዱ ላይ ስለሚያጠፋ ምንም ለውጥ አልነበረም:: አንድ ቀን ከሦስት ወንድ ልጆቹ አንዱ

መርዘኛ በሆነ እባብ ትነከሰ እና በጣም ታመመ:: ያዩትም ሐኪሞች ምንም ተስፋ እንደሌለው ተናገሩ::


አባትየውም በጣም ተጭንቆ የቤተ ክርስቲያኑ ሽማግሌዎች ለልጁ እንዲጸልዩለት መልእክት ላከ:: አንድ ብልህ

የሆን ሽማግሌ መጥቶ እንዲህ በሎ ጸለየ:: " ጌታዬ ሆይ እባቡን ልከህ ይህንን ልጅ አንዲነክስ ስላደረግህ አመሰግንሃለሁ:: ይህንን ቤተሰብ ወደ አንተ ለመመለስ ብዙ ሞክሬ አልቻልኩም ነበር:: እኔ በስድስት ዓመት ማድረግ ያቃተኝን እባቡ በአንድ ጊዜ አደረገው ! ጌታዬ ሆይ አሁን ቤተሰቡም ከጥፋታቸው ስለተማሩ ልጃቸውን ፈውስ ፤ ለወደፊቱም ያለምንም የእባብ እርዳታ ሁልጊዜ አንትን እንዲአስቡ አርጋቸው::"

አንዳንድ ሰዎች በካንሰር ወይም በሌሎች ኃይለኛ ደዌዎች ተይዘው በድንገት ሆስፒታል ሲገቡ ብቻነው ስለ አግዝአብሔር የሚያስቡት:: በዚህ ጊዜ ስለ ደህንነታቸው እግዚአብሔርን ማሰብ እና ወደሱም መመለስ ይጀምራሉ :: በዓለም ላይ ያሉትን የማይድኑ በሽታዎችን፤ ህመምን ፤ ችግርን እና የመሳሰሉትን በመጠቀም እግዚአብሔር ሰዎች ኃጢአትን ትተው ወደ እሱ እንዲመለሱ ያደርጋል:: እነዚህንም ሰዎች ዘለዓለማዊ የሆነውን ቤታቸውን በመንግሥተ ሰማያት አንድያገኙ እግዚአብሔር ይመራቸዋል:: እግዚአብሔር በዚህ ሁኔታ ነው የሰይጣንን ክፉ ሥራ በመጠቀም ሰውን ከስይጣን እጅ አውጥቶ ወደ ዘለዓለማዊ ደህንነት የሚያስገባው::

እግዚአብሔር ሰይጣንን ሁልግዜ ያሸንፋል::

ሰይጣንም ለሌሎች የቆፈረው ጉድጋድ ውስጥ ይገባል ::

እግዚአብሔር ስይጣን እንዲኖር ያደረገበት ሌላው ምክንያት ልጆቹ እንዲጠሩ ስለሚፈልግ ነው::

ለምሳሌ ስለእሳት ብናነሳ: በዓለም ላይ በሚሊዮን የሚቆጠሩ ሰዎች በእሳት እንደሞቱ የታወቀ ነው:: ቢሆንም

በእሳት መጠቀምን አናቆምም:: ምክንያቱም እሳትን በመጠቀም ምግብ ይበስላል ፤ መኪና ፤ አይሮፕላን እና

ሌሎች ሞተሮች ይሠራሉ:: ወርቅም የሚጠራው እሳትን በመጠቀም ነው:: ስለዚህ እሳት ምንም እንዃን አደገኛና የሚጎዳ ቢሆንም ለመልካም ጥቅም ማዋል ይቻላል::

እንደዚሁም ምንም እንዃን ሰይጣን እርኩስ እና ሰውን ለማጥፋት የወጣ ቢሆንም እግዚአብሔር ይጠቀምበታል:: እግዝአብሔር ልጆቹ በእሳት ውስጥ እንዳለፈ ወርቅ እንዲጠሩ ስለሚፈልግ ልዩ ልዩ የሰይጣን ፈተናዎች እንዲገጥማቸው ፈቅዷል::

ምንም እንዃን እግዚአብሔር ሰውን ሊጎዱ የሚችሉትን ነገሮች ሁሉ ከመቅጽበት ሊያጠፋ ቢችልም: ወደ አለው ታላቅ ግብ ሰውን ስለሚመሩ ሊያጠፋቸው እንደማይፈልግ እናያለን::

Chapter 2
ስለ ኃጢአት ትክክለኛው አውነት

ለምንድን ነው አንዳንድ ሰዎች አድራጎታቸው እንደ አንሰሳት የሚሆነው?

መልሱም: እንደእንሰሳ የሚሆኑበት ምክንያት ዋነኛው ፍላጎታቸው በምድር ላይ መኖር እና ለሰውነታቸው የሚያስፈልጋቸውን ብቻ ስለሚሹ ነው::

እንሰሳ ምንድን ነው የሚፈልገው? ምግብ ፤ መኝታ እና የግብረ ሥጋ መሟላት ነው:: ሰውም የሚሻው እነዚህን ብቻ ከሆነ ወደ እንሰሳነት ደረጃ ወርዶአል ማለት ነው::

እግዚአብሔር የፈጠረን እንደእንሰሳ ለሥጋችን ፍላጎት ባሪያ እንድንሆን ሳይሆን እሱን እንድንመስል ፤ ራሳችንን ተቆጣጥረን፤ የግብረ ገብነት ባህሪ ኖሮን ፤አውነተኞች መሆን እንድንችል አድርጎ ነው::

ከእንሰሳት የተሻለ ብልሆች ስለሆንን እና ትምህርት ስላለን ከነሱ እንሻላለን ማለት አይደለም! ብልህና የተማሩ ስዎችም ለገንዘብ ፤ ለራስ ውዳድነት ፤ ለግብረ ሥጋ ምኞት፤ ለንዴት እና ለመሳሰሉት ተገዥዎች ሆነው እናያቸዋለን::

ከአእምሮአችን የጠለቀው መንፈሳችን የእግዚአብሔርን መኖር እንድንገነዘብ ያደርገናል:: እንስሳት ይህ ችሎታ የላቸውም::

ባለፈው ምዕራፍ እንዳየነው እግዚአብሔር ከግብረ ገብነት ባህሪ እና በነጻነት ከመምረጥ ስልጣን ጋር ፈጥሮናል:: የነጻ ምርጫ ችግሩ ይህ የተሰጠንን ነጻነት ራሳችንን ለማስደሰት እና እግዚአብሔርን ላለመታዘዝ ልንጠቀምበት ስለምንችል ነው:: እግዚአብሔር ይህን ያደረገው ልጆቹ በነጻነት እና በራሳቸው ፍላጎት አንዲከተሉት ስለፈለገ ነው::

በዓለም ውስጥ የምናያቸው ውዝግብ ፤ ግራ መጋባት ፤ በሽታዎች እና ሌሎች ጥፋቶች ሁሉ እግዚአብሔርን ከመታዘዝ ይልቅ ሰይጣንን ከመታዘዝ የመጡ ናቸው::

እግዚአብሔር በመጀመሪያ የፈጠራቸው ውንድ እና ሴት አዳምና ሔዋን ነበሩ:: እነሱም ሲፈጠሩ ቅን እና

የዋሆች ነበሩ:: ቅድስናን በፈቃድኝነት ለመምርጥ ተፈትነው ጥፋትን ትተው የእግዚአብሔርን መንገድ

መምረጥ ነበረባቸው:: ስለዚህም እግዚአብሔር በሰይጣን አንዲፈተኑ ፈቀደ::

የዚህን ዝርዝር መጽሐፍ ቅዱስ ውስጥ በኦሪት ዘፍጥረት ምዕራፍ ፪ አና ፫ ይገኛል::

በቅንነት ወይም በየዋህነት እና በቅድስና መሃል ትልቅ ልዩነት አለ:: ቅንነትን ወይም የዋህነትን በህጻናት ላይ

እናያለን:: አዳም ሲፈጠር አንዴት እንደነበረ ለማወቅ ከፈለጋችሁ ህጻናትን ማየት ነው:: ህጻን ልጅ ጥፋትን

አያውቅም ፤ ምልካምና መጥፎን አይለይም:: ሆኖም እንዲህ የሆነው ህጻን ቅዱስ ወይም ፍጹም እና ትክክለኛ አይደለም:: ፍጹም እና ትክክለኛ የሚሆነው ይህ ህጻን አድጎ ፤ ከጥፋት እና ከእርኩሰት ርቆ ፤ እግዝአብሔርን ሲመርጥ ነው::


መልካም ባህሪ መገንባት የምንችለው በአእምሮአችን ፈተናዎችን እያሸነፍን ስንኖር ነው:: አሁን ያላችሁበት ሁኔታ እስከዛሬ ድረስ በህይወታችሁ ውስጥ ያደረጋችኃቸው ምርጫዎች ውጤት ነው::

ሌሎች ከናንተ የተሻሉ ሊሆኑ የሚችሉት በሕይወታችው ዘመን ከእናንተ የተሻሉ ምርጫዎችን ስላደረጉ ነው:: በየቀኑ ምርጫ የምናደርግባቸው ሁኔታዎች ያጋጥሙናል:: እነዚህም የምናደርጋቸው ምርጫዎች መጨረሻችን ምን ሁኔታ ላይ እንደሚሆን ወሳኝ ናቸው::

እግዚአብሔር መጀመሪያ ውንድ እና ሴትን ከፈጠረ በኃላ ከሰይጣን የሚመጣውን ፈተና አልፈው ቅዱሳን እንዲሆኑ ዕድል ሰጣቸው:: ገነት ውስጥ እንዲኖሩ ካደረገ በኃላ ከአንደኛው ዛፍ ላይ ካሉት ፍሬዎች በስተቀር ከቀሩት ዛፎች ሁሉ ላይ መብላት እንደሚችሉ ነገራቸው:: ፈተናውም ይሄው ነበር::

በሺህ ሚቆጠሩ ጥሩ ጥሩ ፍሬዎችን እያማርጡ መብላትና ከአንዷ ዛፍ ላይ ያሉትን ፍሬዎች ብቻ አለመንካት በጣም ቀላል ፈተና ነበረ:: ነገር ግን ይቺን ትንሽ እና ቀላል ትእዛዝ ማክበር ላይ ተሽነፉ::

ሰይጣን ወደ ገነት ገብቶ አዳም እና ሔዋንን ይህን የተከለከላችሁትን ፍሬ ብትበሉ እንደ እግዚአብሔር ትሆናላችሁ በማለት ፈተና ውስጥ አስገባቸው :: አዳም እና ሔዋን የተፈተኑበት የተከለከሉትን ፍሬ ስለመብላት ብቻ ሳይሆን ከፈልጉ እንደ እግዚአብሔር ለመሆንም ስለመቻላቸው ነበረ::

እንደ አግዝአብሔር መሆንን አንድ ጊዜ ሰይጣን ለራሱ ሲመኘው የነበረ ነው:: ይህን ምኞቱን ነው ለአዳም እና

ለሔዋን የነገራቸው:: ዛሬ ለሰው እንደሚዋሽና አንደሚያታልል ሁሉ በዚያን ጊዜም ለአዳም እና ለሔዋን ዋሸ::

ዛሬ ሰዎች አንድሚታለሉለት በዚያን ጊዜም አዳም እና ሔዋን በሰይጣን ውሸት ተታለሉ:: ለእግዚአብሔር

ስላልታዘዙ በስይጣን ላይ የደረሰው ደረሰባቸው: ከእግዚአብሔርም ዘንድ ተባረሩ::

ይህንን በዝርዝር ኦሪት ዘፍጥረት ምዕራፍ ፫ ላይ ማንበብ ይቻላል::

አዳም እና ሔዋን እግዚአብሔርን ባለመታዘዝ እንደ እግዚአብሔር ኃያልና ነጻ መሆን የሚችሉ መስሎአቸው ነበር:: እንዳስቡት ነጻ ሆኑ ? አልሆኑም! ይልቁንም የሰይጣን ባሪያዎች ሆኑ :: ነጻነትን የምናገኘው እግዚአብሔርን በመታዘዝ ብቻ ነው::

በደስታ የተሞላ ሕይወት እንዲኖራቸሁ ከፈለጋችሁ እግዚአብሔርን አለመታዘዝ ነው እያለ ስይጣን ብዙዎችን የሚያታልለው እዚህ ላይ ነው::

አሁን የሰው ዘር ላይ እንዴት ኃጢአት አንደተጀመረ አየን::

በዛች ቀን አዳም እና ሔዋን በኤደን ገነት ውስጥ ታላቅ ውሳኔን ወሰኑ:: ይህም ውሳኔአቸው ለነሱም ለልጆቻቸውም የዕድሜ ልክ ውጤት ነበረው::

በሕይወታችን የምናደርጋቸው ውሳኔዎች በሚሉ መዘዝ አላቸው:: ሁላችንም የዘራነውን እናጭዳለን:: ብዙ ጊዜ ልጆቻችንም እኛ የዘራነውን መራራ ፍሬዎች ያጭዳሉ:: አዳምና ሚስቱ ከእግዚአብሔር ዘንድ ዕድሜ ልካቸውን በሙሉ ተባረሩ::

ስለዚህ ዛሬ ተናንሽ ናቸው ወይም ምንም የማይጎዱ ነገሮች ናቸው በማለት ምርጫን ማድረግ ወይም በምርጫችን የዘራነውን ለወደፊት አናጭድም ብለን መገመት አይገባም:: በዓለም ላይ ካሉት ነገሮች ሁሉ እሱን እንደምናበልጥ ለማረጋገጥ እግዚአብሔር በሰዎችና በልዩልዩ ሁኔታዎች እንድንፈተን ያደረጋል:: ማለትም


ፈተናዎች በየጊዜው የምያጋጥሙን ከተፈጠሩ ነገሮች ይልቅ ፈጣሪ የሆነውን መምረጣችንን ለማየት ነው::

ኃጢአት ሁሉ የሚመጣው የተፈጠሩ ነገሮችን እና ራሳችንን ከእግዚአብሔር በላይ ስናደርግ ነው:: ይህም ማለት ከእግዚአብሔር መንገድ ይልቅ የኛን መንገድ ስንሻ እና እግዚአብሔርን ከማስደሰት ይልቅ ራሳችንን ማስደሰት ስንመርጥ ማለት ነው::

ኃጢአት ማመንዘር ፤ መግደል ወይም መስረቅ ብቻ አይደለም:: የራሳችንን መንገድ ብቻ መፈለግንም

ይጨምራል:: የኃጢአትን አጀማመር በትናንሽ ልጆች ግትርነት ላይ አናያለን:: ኃጢአት በእያንዳንዱ ህጻን ተፈጥሮ ውስጥ አብሮ ይወለዳል:: ህጻኑም እያደገ ሲሄድ በራሱ መንገድ መሄድን ይወስናል:: ከሌሎች ልጆች ላይ በመቀማት እና በመጣላት የሚፈልገውንም ለማግኘት ይሞክራል ::

በልጅነታችን ስናደረጋቸው የነበሩት ድርጊቶች እያደግን ስንሄድ አይለዩንም:: ልዩነቱ ትልቅ ስንሆን

አድራጎታችን በብልሃትና በጥበብ የተሞላ ይሆናል:: ባሕሪአቸው ተቀይሮአል ፤ የሰለጠኑ ናቸው የሚባሉትም

በልጅነት የነበረው ጠባያችው አይለቃቸውም:: ራስ ወዳድነታቸውን ፤ ቀናተኛነታቸውን ፤ ለማይገባ ነገር መጓጓአታቸውን ወይም መመኘታቸውን በውጭ ለሰው በሚያሳዩት የቸርነት እና የርኅሩህነት ሽፋን፤ ምንልባትም በሃይማኖተኛነት ይደብቁታል!!

ኃጢአት በሁለ ነገራችን ውስጥ ገብቶአል:: ኃጢአትን በሃይማኖት ሥነሥርዓት፤ በጾም ፤ በጸሎት ፤ ወደ ታውቁ የሃይማኖት ሰፍራዎች በመሄድ ፤ በመሳለም ወይም ራስን በመግታት ማስወገድ አንችልም:: ከኃጢአት የሚያድነን እግዝአብሔር ብቻ ነው::

ሆኖም የኃጢአትን እርኩስነት እስክንገነዘብ እግዝአብሔር ይጠብቃል:: እየሱስ የመጣሁት ለኃጢአን ነው እንጂ

"ለጻድቃን" አይደለም ብሎአል:: ይህን ሲል በምድር አንዳንድ ሰዎች ጻድቃን ሌሎች ደግሞ ኃጢአተኞች

ናቸው ማለት አይደለም:: ያህንን ያለው ራሳቸውን እንደ ጻድቃን እና ቅዱሳን አርገው ያዩ የነበሩትን የሃይማኖት መሪዎች ለመንካት ነበር:: ኢየሱስ ይህን ማለቱ ራሳቸውን እንደ ጻድቃን የሚያዩት ሊድኑ አንደማይችሉ ለመግለጽ ነው ::

መታመማቸውን የተገነዘቡ ብቻ ሀኪም እንደሚሹ እኛም ከሁሉ አስቀድመን ኃጢአተኞች መሆናችንን መገንዘብ አለብን::

የምንም አይነት ሃይማኖት ተከታዮች ብንሆንም ሁላችንም ኃጢአተኞች ነን:: በእግዚአብሔር ቅዱስ ሕግ አንጻር በሃሳባችን ፤ በንግግራችን ፤ በአድራጎታችን ፤ ባስተያየታችን እና በዕቅዳችን ኃጢአተኞች ሆነናል::

የቅድስናችን መጠን እግዚአብሔር ከሚጠብቅብን ደረጃ በታች ነው::

በሽታ ሰውነታችንን ከሚጎዳው በላይ ኃጢአት ነፍሳችንን ይጎዳል::

ነገር ግን እኛ ይሄን አናስተውላልን?

አስከፊ ስለ ሆነው እና ዛሬ በዓለም ዙሪያ እየተሰራጨ ስላለው የኤይድስ በሽታ ያላችሁ አስተሳስብ ምንድን ነው?

የኤይድስ በሽታ ተላላፊ ስለሆነ ሰዎች በሽታው ወደ ያዛቸው መቅረብን ይፈራሉ:: ነገር ግን ኃጢአት ከኤይድስ


የባሰ ነው:: ልዩነቱ ኃጢአት የሚጎዳው ነፍሳችንን ብቻ ስለሆነ ከውጭ አይታይም:: ሆኖም የኃጢአት ጉዳት

ከአኤይድስ በጣም ያየለ ነው:: ከኃጢአት ካልዳንን በምድር ስንኖር ሕይወታችንን ያበላሻል ፤

ደስተኞች አንሆንም በመጨረሻም የዘለዓለም ሕይወታችንን እናጣለን::

Chapter 3
ስለ ህሊናችን ትክክለኛው እውነት

ሁላችንም አብሮን የተፈጠረ ህሊና አለን:: ይህም ህሊናችን የግብረገብነት ባህሪ አንዳለን ሁልጊዜ ይነግረናል:: ህሊናችን በውስጣችን ሁኖ ላድራጎታችን ሁሉ ራሳችን ኃላፊ እንደሆንን የሚነግረን የእግዚአብሔር ድምጽ ነው:: ሕይወታችንን አንዴት እንደኖርን ለእግዚአብሔር መልስ የምንሰጥበት ቀን ይመጣል::

እኛ ህሊና እንደሌላቸው እንሰሳት አይደለንም:: እንሰሳት የግብረገብነት ባህሪ ስለሌላቸው ለእግዚአብሔር

ተጠያቂነት የለባቸውም:: ሞት ለእንሰሳ መጨረሻው ነው ከሞት በኃላ ምንም ነገር የለውም:: ለእኛ ግን

እንደዚህ አይደለም:: ሰው በእግዚአብሔር አምሳል ስለተፈጠረ ዘለዓለማዊ ነው::

ለእኛ የፍርድ ቀን ይመጣል:: በዚያን ግዜ በሕይወት ሳለን ያረግናቸው ፤ የተናገርናቸው እና ያሰብናቸው ነገሮች

ሁሉ ወደ አእምሮአችን ይመጣሉ በእግዚአብሔርም ይመዘናሉ:: ለእያንዳንዷ አድሮጎታችን፤ ቃላቶቻችን እና አስተሳስባችን በእግዚአብሔር እንጠየቃለን:: ከዚያም በመጽሐፍ ቅዱስ ውስጥ ባሉት ቅዱስ ትእዛዛት መሠረት ይፈርዳል::

መጽሐፍ ቅዱስ አንዲህ ይላል " ለሰዎችም አንድ ጊዜ መሞት ከእርሱ በኋላም ፍርድ እንደ ተመደበባቸው" (ዕብራውያን ምዕራፍ ፱ ቁጥር ፪፯)

ምንም እንዃን ብዙ ሰዎች ለሚፈጽሙት ወንጀሎች በምድር ላይ ከሚገባቸው ቅጣት ቢያመልጡም ትክክለኛውን ቅጣት በእግዚአብሔር ዘንድ ሲቀርቡ ያገኙታል:: እንደዚሁም ብዙ ሰዎች በምድር ላይ ለሌሎች ለሚያደርጉት በጎ ሥራቸው ባይከፈላቸውም እየሱስ ተመልሶ ወደዚህ ምድር ሲመጣ ይከፍላቸዋል::

ስለምናደርገው ሁሉ ነገር አንድ ቀን በእግዚአብሔር ስለምንጠየቅ ሁልጊዜ ህሊናችንን ማዳመጥ አለብን::

እግዚአብሔር ከሰጠን ትልልቅ ስጦታዎች አንዱ ህሊናችን ነው:: ህሊናችን እንደ ሰውነታችን "የህመም" ስጦታ

ነው:: ብዙዎቻችን ህመምን የምናስበው ጠንቅ መሆኑን ብቻ ነው:: ህመም በሕይወታችን ምን ያህል በረከት

እንደሆነ አንገነዘብም:: ህመምን በመጠቀም ነው አካላችን በውስጣችን የተጓደል ነገር ሲኖር የሚያስታውቀን::

ህመም በአካላችን ወስጥ ጉድለት ለመኖሩ የመጀመሪያው የማስጠንቀቂያ መልእክት ነው:: ህመም ባይኖር ኖሮ

ሰውነታችን በበሽታ መጠቃቱን ሳናውቅ መሞት እንችላለን:: ስለዚህ ህመም ያለጊዜ ከመሞት ያድነናል::

የስጋ ደዌ ስሜትን ስለሚገድል ይህ በሽታ ያለባቸው ሰዎች ህመም አይሰማቸውም:: ደዌው ያለበት ሰው እግሩ

በሚስማር ቢወጋ አይታወቀውም:: የእግሩ ቁስል እያመረቀዘ ሲሄድም አይሰማውም:: በመጨረሻም እግሩ

በጣም ስለሚጎዳ መቆረጥ ሊኖርበት ይችላል:: ይህ ሁሉ የሚሆነው በሽተኛው "በህመም ስላልተባረከ" ነው::

ህሊና እንደ ህመም ነው:: የእግዚአብሔርን ሕግ ስንተላለፍ ፤ ኃጢአትን ስናስብ ወይም ስንፈጽም ህሊናችን

ያስጠነቅቀናል:: ማስተንቀቂያዎቹን እየተላለፍን በሄድን ቁጥር ኃጢአትን ለመንገንዘብ ያለን ስሜት እየሞተ

ይሄዳል፤ ከጊዜ በኃላም ይህ ስሜት ከነጭራሹ ይጠፋል:: በዚህን ግዜ ህሊናችን ይሞታል፤ መንፈሳችንም እንደ


ስጋ ድዌው ህመምተኛ ይሆናል:: ከዚያም ህሊና አንደሌላቸው እንሰሶች እንሆናለን:: ለዚህም ነው አንዳንድ ሰዎች ህሊና እንደሌላቸው እንሰሳት የሚሆኑት:: የዚህም ሕይወት መጨረሻው ከእግዚአብሔር ዘለዓለማዊ ቅጣትን ማግኘት ነው::

ህሊናችን እንደሚነግረን ሁላችንም ኃጢያተኞች ነን:: ይህ የጥፋተኝነት ስሜት እንደ "የህመም በረከት" ስለሆነ

በፍጹም እንዳይለየን ማድረግ አለብን:: የመንፈስ ህመም ሲኖረን የህመሙን መኖር እና ከዚህም ህመም መዳን

እንዳለብን ይነግረናል:: ህሊና እግዝአብሔር ለሰው ልጆች የሰጠው ታላቅ ስጦታ ነው::

በሉቃስ ወንጌል ምዕራፍ ፩፩ ቁጥር ፫፬ - ፫፮ እየሱስ ህሊናን ከዓይን ጋር አመሳስሎ ተናግሮአል:: ዓይኖቻችን

በቀን ውስጥ ብዙ ጊዜ በእንባ ስለሚታጠቡ ከሌላው አካላችን በላይ ንጹህ ናቸው:: የዓይኖቻችንን ሽፋን በምንዘጋና በምንከፍትበት ጊዜ በዓይኖቻችን ያረፈው አዋራ እና የመሳሰሉትን ይጠረጋሉ:: (ይህም የዓይኖቻችን ጽዳት በአንድ ቀን ውስጥ እኛ ሳናስበው በሺህ ከሚቆጠር ጊዜ በላይ ይፈጸማል::) በጣም ትንሽ የሆነ ጉድፍ እንዃን ዓይናችን ውስጥ ቢገባ በጣም ስለሚያስቸግረን የምናደርገውን ሁሉ አቁመን ዓይናችን ውስጥ የገባውን ጉድፉ እናወጣለን::

ሕልናችንንም አንደዚሁ ሁል ጊዜ ነጹህ አድርገን መጠበቅ አለብን::

ከኃጢአቶቻችን የምንጸዳውና ይቅርታንም የምናገኘው ከእግዚአብሔር ብቻ ነው:: ህሊናችን የሚነፃው እና ከጥፋተኛነትም ስሜት ነፃ የምንሆነውም በዚሁ መንገድ በቻ ነው::

ሆኖም ለኃጥያታችን ይቅርታን ማግኘት በርካሽ አልተገኘም::

Chapter 4
ይቅር ስለመባል ትክክለኛው እውነት

እግዚአብሔር ኃጢአታችንን አንዴት ይቅር ሊለን ይችላል::

እግዚአብሔር ትክክለኛና ቅዱስ ስለሆነ የሰውን ኃጢአት እንዲሁ አያልፍም:: ይህን ቢያደርግ ትክክል አይደለም::

እግዝአብሔር ትክክል እና ቅዱስ ስለሆነ ኃጢአተኛን መቅጣት አለበት::

ሆኖም አፍቃሪ አምላክ ስለሆነ ኃጢአቶቻችንን ይቅር የሚልበትን መንገድ አዘጋጀ::

ሃይማኖቶች ሁሉ በመልካምነት፤ በደግነት እና በእውነተኛነት እንድንኖር ያስተምሩናል:: በዚህ አይነት መኖር የሚገባን ለኃጢአቶቻችን ይቅርታን ካገኘን በኃላ ነው::

መልካምነት፤ ደግነት እና እውነተኛነት ከውጭ እንደሚታየው የአንድ ህንጻ አካል ሲሆኑ ለኃጢአት ይቅር መባል የህንጻው መሠረት ነው::

ለማንኛውም ህንጻ ዋነኛው ክፍል መሠረቱ ነው::

እግዚአብሔር ኃጢአታችንን ይቅር ለማለት ዓለምን ለመፍጠር ካደረገው በላይ ጥረትና መስዋዕት ማድረግ ነበረበት:: ዓለምን በቃሉ ከመቅጽበት ፈጠረ::

ነገር ግን ኃጢአታችንን ይቅር ለማለት በቃሉ ሳይሆን እንደሰው መሆን ነበረበት::

እኛን በሚያጋጥሙ ልዩ ልዩ ፈተናዎች ተፈትኖ እና እንደኛው ተጣጥሮ መኖር ነበረበት:: ከዚህም በላይ እንደኛ ሁኖ ለኃጢአቶቻችን የሚገባንን ቅጣት ተቀብሎ በመስዋትነት መሞት ነበረበት::

የኃጢአት ቅጣት በበሽታ መሰቃየት ፤ ድህነት ፤ ዘቅተኛ ትብሎ ከሚገመት ሕብረተሰብ መወለድ ወይም ይህን የመሳሰሉ አይደለም:: የኃጢአት ቅጣት ከእግዚአብሔር ለዘለዓለም የሚለይ ዘለዓለማዊ ሞት ነው::

በአካል መሞት ከሰውነታችን መለየት ሲሆን የመንፈሳዊ ሞት ደግሞ የሕይወት ምንጭ ከሆነው ከእግዝአብሔር ዘንድ ለዘለዓለም መለየት ማለት ነው::

ወደፊት የምታደርጓቸው መልካም ሥራዎች ቀድሞ ላደረጋችሁት ጥፋቶች ቤዛ አይሆኑም:: ኃጢአት

የእግዚአብሔርን ሕግ ስለጣስን ለእሱ ያለብን ዕዳ ነው:: ለምሳሌ የአንድን ሀገር ሕግ ባለመከተል የታክስ

ክፍያችን ላይ አጭበረብረን ስንያዝ : ያለፈውን የታክስ ዕዳ ተዉንና ለወደፊት ይሚኖርብንን ታክስ ሁሉ


በጊዜው አንከፍላለን ብንል ላልከፈልነው የቀድሞው ታክስ ምህረት አናገኝም:: ምንም እንዃን ወደፊት የሚኖርብንን ታክስ በአግባቡ ብንከፍልም ቀድሞ ያልከፈልነውን ዕዳ መክፈል ይኖርብናል:: ኃጢአትም አንደዚሁ ነው::

ምንምእንዃን ብዙ መልካም አድራጎትን ለወደፊት ብናደርግም ላለፉት ኃጢአቶቻችን ተጠያቂዎች ነን:: መጽሐፍ ቅዱስም በእግዚአብሔር ፊት "ጽድቃችንም ሁሉ እንደ መርገም ጨርቅ ነው" ይላል (ትንቢተ ኢሳይያስ ምዕራፍ ፮፬ ቁጥር ፮)

እግዚአብሔር መልካም ሥራን ይወዳል:: ሆኖም እሱ እኛ ከምናስበው መጠን በላይ ፍፁም እና ቅዱስ ስለሆነ

የኛ ምርጥ ሥራ ከእሱ ቅድስና ደረጃ ጋር በፍፁም አይመጣጠንም:: ምርጥ ሥራችን እንዃ ውድቅ ስለሆነ በእግዚአብሔር ዘንድ አቋማችን በጣም ደካማ ነው:: ወደ እግዚአብሔር ዘንድ እንድንቀርብ የሚያስችለን ምንም መንገድ የለንም::

ያለምንም የመመለስ ተስፋ ጠፍተን እንገኛለን::

እግዚአብሔር ግን ለእኛ ታላቅ ፍቅር ስላለው ለኃጢያቶቻችን ይቅርታን የምናገኝበትን መንገድ አበጀ::

የእግዚአብሔር አሠራር እና ኃያልነት በአእምሮአችን መገመት ከምንችለው በላይ ነው:: መጽሐፍ ቅዱስ እግዚአብሔርን እንደ አንድ አካል ደግሞም ይህንን አንድ አካል እንደ ሶስት አካላት አድርጎ ይገልጻል:: አብ ፤ ወልድ እና መንፈስ ቅዱስ (ወልድ የተወለደ ሳይሆን በሁለነገሩ አብ የሆነ) - ሶስቱም እኩል ናቸው::

የሰው አእምሮ እንዴት ሶስት የተለያዩ አካላት አንድ አምላክ መሆን እንደሚችሉ ማስተዋል አይችልም:: የተለያዩ ሰዎች የተለያዩ አካላት እንዳላቸው ነው የምናውቀው:: እግዚአብሔር ግን መንፈስ ነው:: የአእምሮአችን ችሎታ በጣም የተወሰነ ስለሆነ የእግዚአብሔርን ድንቅ እና የላቀ አሠራሩን ማስተዋል አንችልም::

ለምሳሌ ውሻዎች ሰው የሚያውቀውን ማውቅ አንደማይችሉ እኛም ስለእግዚአብሔር የማናስተውላቸው ብዙ ነገሮች አሉ:: ማወቅ የምንችለው እግዝአብሔር በመጽሐፍ ቅዱስ የገለጸልንን ብቻ ነው:: ከዚህም ውጭ ሌላ እውቀት የለም::

ለምሳሌ ብልህ ለሆነ ውሻ ሶስት አጥንቶችን ከፊትለፊቱ በማስቀመጥ አንድ ሲደመር አንድ ሲደመር አንድ ሶስት (1 + 1 + 1 = 3) አንድሚሆን ማስተማር ይቻል ይሆናል:: ነገር ግን ውሻው ምንም ያህል ብልህ ቢሆንም አንድ ሲባዛ በአንድ ሲባዛ በአንድ አንድ ይሆናል (1 x 1 x 1 = 1 ) የሚለውን በፍጹም ማስተዋል አይችልም!

እኛ ግን አንድ ሶስት ጊዜ ሲባዛ ውጤቱ አንድ እንደሆነ አናውቃለን!

እኛ ከውሾች ከምንበልጠው በላይ እግዝአብሔር ከእኛ ይበልጣል::

ወሻው ማባዛትን ለማስተዋል እንደ ሰው መሆን አንደሚገባው እኛም እግዚአብሔርን ለማስተዋል አንደሱ መሆን ይኖርብናል::


ስለዚህ የእግዚአብሔር አንድም ሶስትም መሆን ባይገባን የሚያስደንቅ አይደለም:: ሆኖም ምንም እንዃ ለማስተዋል ቢያቅተን እግዚአብሔር ስላለው በቻ ትክክል አንደሆነ እንገነዘባለን::

ብዙዎች የሰውን አስተሳሰብ በመጠቀም እግዚአብሔር ሁሉ ቦታ አለ ከተባለ በሰው ውስጥ ፤ በእንሰሳት ውስጥ ፤ በእፀዋት ውስጥ እና በማንኛውም የሃይማኖት ቦታዎችም ውስጥ አለ ማለት ነው ይላሉ:: ይህ አባባል የእግዚአብሔርን መለኮታዊ እውነት ላልተገነዘበ ለሰው ትነሽ አእምሮ ትክክል ሊመስል ይችላል::

ነገር ግን ይህ አስተሳስብ በፍፁም ትክክል አይደለም:: እግዝአብሔር ሁሉ ቦታ ነው ማለት ሁሉም ቦታ የሚካሄደውን ነገር ሁሉ ያውቃል ማለት ነው:: ምንም እንዃ ገሃነም ውስጥ የሚካሄደውን ቢያውቅም ገሃነም ውስጥ አለ ማለት አይደለም::

ገሃነም (የኃጢአተኞች የዘለዓለም ቅጣት ሥፍራ) "የእግዚአብሔር መገኘት ፈፅሞ የሌለበት" ቦታ ነው:: ይሄ ነው የኃጢአትኞችን ስቃይ ሃያል እና ከልክ በላይ የሚያደርገው::

ስለዚህ እግዚአብሔር ሁሉ ቦታ አይኖርም::

የሰውን ልጆች ሁሉ ከዘለዓለም ጥፋት ለማዳን ብሎ ከ፪ሺ ዓመት በፊት እግዚአብሔር አብ እግዝአብሔር ወልድ በመንፈስ ቅዱስ አሠራር እንደ ሕፃን ከድንግል እንዲወለድ አደረገ::

እየሱስ ክርስቶስ ተብሎ ተሰየመ::

እንደማንኛውም ሰው በልዩ ልዩ ፈተናዎች እየተፈተነ ከልጅነት እስከ አዋቂነት አደገ:: ያጋጠሙትንም ፈተናዎች ሁሉ አሽነፎ ኖረ::

ምንም ኃጢአት ሳይሠራ ኖረ::

እግዚአብሔር አብ እየሱስ ክርስቶስ 33 ዓመት ሲሆነው ጨካኝ እና ክፉ በሆኑ ሰዎች በመስቀል ላይ እንዲሰቀል ፈቃዱ ሆነ:: በመስቀሉም ላይ መርገም ሆኖ የሰውን ልጆች ኃጢአት በሙሉ ወስደ ፤ የኃጢአታችንንም ቅጣት ሁሉ ተቀበለ:: እዚህ ላይ የእግዚአብሔርን የሚያስገርም ፍቅር እናያለን::

ጻዲቁ እየሱስ ክርስቶስ በመስቀል ላይ ሲሞት እና ደሙ ሲፈስ ስለኃጢያታችን የሚገባንን ቅጣት ሁሉ ከፈለልን::

ለሥራችን ታገቢ የሆነ ፍርድም ተሟላ::

እግዚአብሔር የኢየሱስ ክርስቶስን መስዋዕትነት መቀበሉን ለዓለም ለማሳየት እየሱስ ሞቶ ከተቀበረ በኃላ በሶስተኛው ቀን አስነሳው::

አንድ አምላክ ብቻ እንዳለ እና ይህም አምላክ፤ ጌታ እየሱስ ክርስቶስ አንድ ጊዜ ብቻ ስጋ ለብሶ ወደ ምድር መምጣቱን በነዚህ ነጥቦች መረዳት ይቻላል:

(፩)ለዓለም ኃጢአት የሞተው ጌታችን እየሱስ ክርስቶስ ብቻ ነው::


(፪)ዳግመኛ ላይሞት ከሞት የተነውሳ እየሱስ ክርስቶስ በቻ ነው:: ይህም ለሰው ታላቅ ጠላት የሆነውን ሞትን እንዳሸነፈ ያረጋግጣል::

በመሬት ላይ አርባ ቀን ከቆየ በኃላም ዛሬ ወደአለበት ወደ መንገሥተ ሰማያት ተመለሰ::

ከመሄዱ በፊት አንድ ቀን ተመልሶ ዓለምን በፅድቅ እና በሰላም እንደሚገዛ ቃል ገብቶአል:: ወደ ምድር ከመመለሱም በፊት በቅድሚያ የምናያቸውን ምልክቶች ሰጥቶናል:

አሁን እነዚህን ምልክቶች ስናይ የክርስቶስ ተመልሶ መምጣት በጣም እንደቀረበ እናውቃለን::

ከመመልሱም በፊት እግዝአብሔር በክርስቶስ የሰጣችሁን ይቅርታ መቀበል በጣም አስፈላጊ ነው::

Chapter 5
ስለንስሐ ትክክለኛው እውነት

የኃጢአት ቅጣት የመንፈስ ሞት ነው:: ይህም ማለት ቀደም ብለን እንዳየነው እስከዘለዓለም ከእግዚአብሔር

መለየት ማለት ነው:: ይህ ነበር እየሱስን መስቀል ላይ ሳለ የገጠመው ፤ ከአባቱ መለየት እና መራቅ ሆነበት::

እየሱስ ውስጡ እግዚአብሔር እና ዘለዓለማዊ ስለሆነ ለአጭር ጊዜም ከአባቱ መለየት ለእሱ ከፍተኛ ጣር ነበረ:: በመስቀል ላይ ሁኖ በሶስቱ የጨለማ ሰዓቶች ለኛ የሚገባንን የዘለዓለም ስቃይና ጣር ሁሉ ተቀበለ::

ስለኃጢአቶቻችን ክርስቶስ ተቀጥቶልናል :: ሆኖም ለኃጢአቶቻችን ይቅርታን ለማግኘት እና ከቅጣት ነጻ

ለመውጣት ምሕረታችንን ከእግዚአብሔር መቀበል አለብን:: ምንም እንዃ ክርስቶስ ዕዳቸውን ቢከፍልላችውም ብዙዎች ምሕረታቸውን ስለማይቀበሉ ይቅርታን ሳያገኙ ይኖራሉ::

ክርስቶስ የሞተው ለዓለም ሁሉ ኃጢአት ነው ፤ ማለትም ለክርስቲያኖች ብቻ ሳይሆን ለማንኛውም ሃይማኖት ተከታዮች ጭምር ነው::

እግዚአብሔር በክርስቶስ መስዋእትነት የገዛላችሁን ለመቀበል ከሁሉ አስቀድሞ ለኃጢያቶቻችሁ ንስሐ መግባት ያስፈልጋል:: ይህም ማለት ስለአልፉት ኃጢአቶቻችሁ በእውነት ከልባችሁ መፀፀታችሁን እና ለወደፊትም ከኃጢአት እንደምትርቁ ቃል መግባት ነው::

መጀመሪያ ላይ እግዚአብሔርን የሚያስደስቱ ነገሮችን ህሊናችሁ መለየት ያስቸግረው ይሆናል:: ስለዚህ

በሕይወታችሁ እግዝአብሔርን ከሚያስከፉ ነገሮች ሁሉ መራቅ አትችሉም:: እግዝአብሔርም እውነተኛ ስለሆነ

ይህን ያውቃል:: እሱም የሚጠይቃችሁ የማያስደስቱትን ነገሮች ለመተው ፈቃደኛነታችሁን ብቻ ነው::

አንዳንድ ስታደርጓቸው ህሊናችሁ ከሚገስፃችሁ ነገሮች በመራቅ ይህንንም መጀምር ይቻላል::

ምናልባት መጥፎ ባህሪአችሁን የሚያስተው ኃይል ላይኖራችሁ ይችላል:: እግዝአብሔርም ይህንን የኃይል እጦት ስለሚያውቅ "እነዚህን መጥፎ ባህሪዎች ለመተው የመፈለግ ፈቃደኝነትን" እንጂ በአንድ ጊዜ ትተዋላችሁ ብሎ አይጠባብቅም:: ነገር ግን ኃጢአትን ሙሉ በሙሉ ለመተው እውነተኛ የሆነ የልብ ፍላጎት እንዳላችሁ ሲያይ ምንም እንዃ ለጊዜው በኃጢአት ብትሽነፉም ባላችሁበት ሁኔታ ይቀበላችኃል::

ይህ በጣም አስደናቂ የምስራች ነው::

አንደኛው የዱሮ የኃጢአት ኑሮአችሁን የመተው ፍላጎታችሁን የሚያሳየው የቀድሞውን ጥፋታችሁን ለማስተካከል ፈቃደኞች ስትሆኑ ነው:: ይህንንም ስታደርጉ ያለውን ገደብ እግዝአብሔር ያውቃል::

ምናልባት ከዚህ በፊት ያደረጋችዋኃቸው በሺህ የሚቆጠሩ ስህተቶች እና ኃጢአቶች ይኖራሉ:: ምንም

ብታደርጉ ሁሉን ስህተቶች እና ኃጢአቶች ለመቀየር አትችሉም:: ነገር ግን አንዳንዶቹን ማስተካከል ይቻላል::

እግዚአብሔር በተቻላችሁ መጠን ነገሮችን በትክክል እንድታደርጉ ይፈልጋል::


ለምሳሌ ያህል ከሰው ላይ ገንዘብ ያለአግባብ ወስዳችሁ ከሆነ ገንዘብ አጠራቅማችሁ ለመመለስ ፈቃደኞች መሆን አለባችሁ:: እንዲሁም በንግግር ያስቀየማችሁት ሰው ካለ እና ካስታውሳችሁት ወደ አስቀየማችሁት ሰው በመሄድም ሆነ በመፃፍ ይቅርታን ለመጠየቅ ፈቃደኞች መሆን አለባችሁ:: በዚህ እውነተኛነታችሁን እና ትሁትነታችሁን እግዝአብሔር ይፈትናል:: ትሁቶችን እና በኩራት ያልተሞሉትንም ይረዳል::

ያለ እግዝአብሔር እርዳታ መዳን አንችልም::

መጽሐፍ ቅዱስ ስለ ትክክለኛ ንስሐ መግባት እንደዚህ ይላል "ከጣዖቶች ወደ እግዚአብሔር እንዴት ዘወር እንዳላችሁ" (1ኛ ወደ ተሰሎንቄ ሰዎች ምዕራፍ ፩ ቁጥር ፱)

ጣኦት ምንድን ነው?በመሰረቱ የተፈጠረ ነገርን ከፈጣሪው በላይ ማድረግ ነው:: ይህ የተፈጠረ ነገርም ገንዘብ ፤ ቆንጆ ሴት ፤ ክብራችን ወይም የመሳሰሉትን ሊሆን ይችላል

እነዚህን የተፈጠሩ ነገሮችን ከእግዚአብሔር አብልጦ መምረጥ ከፈጣሪ ይልቅ እነሱን እንደማምለክ ነው: ይህም አድራጎት የኃጢአት ሁሉ መሠረት ነው:: የተፈጠሩ ነገሮች በሰው ልብ ውስጥ የእግዚአብሔርን ቦታ ሲይዙ ለእግዚአብሔር በጣም አስጠያፊ ከመሆኑም ሌላ ለሰውም መጥፊያው ነው::

ጣኦቶች በሰው እጅ የተሰሩ የሚመለከውን አምሳል የያዙ የተለያዩ ቅርፃ ቅርፆች ሊሆኑ ይችላሉ:: ነገር ግን ማንም ሰው በቅርፅም ሆነ በስዕል አስገራሚና ኃያል የሆነውን ዓለማትን ሁሉ የፈጠረውን ፈጣሪ ማስመሰል አይችልም:: የተፈጠሩትን ነገሮች አስመስሎ ፈጣሪ እግዝአብሔርን ማሳየት ለእሱ እንደ ስድብ ነው::

እግዚአብሔር በዓይን ለመታየት የማይቻል መንፈስ ነው:: ስለ እግዝአብሔር ቀንም ሆነ ማታ እንድናስብ ሕሊናን ሰጥቶናል:: ነገር ግን ሕሊናችንን ከማዳመጥ ይልቅ በሃይማኖት ሥነሥርዓት፤ ወደ ሃይማኖት ቦታዎች በመሄድ እና በመሳለም ላይ ማተኮርን እንመርጣለን::

ሰዎች የእግዚአብሔርን ትእዛዛት ሲተላለፉ እና ለወደፊትም ለመተላለፍ ሲያቅዱ ልዩ ልዩ የተለምዶ የሃይማኖት ሥራዎችን በመሥራት እና ስነ ስርዓትን በማብዛት የህሊናቸውን ድምፅ ያፍኑታል:: ብዙ መስዋእትን ስለሚያደርጉ ፤ ወደ ሃይማኖት ቦታዎች ስለሚሄዱ እና ስለሚሳለሙ እግዚአብሔር ኃጢአቶቻችውን ይቅር የሚላቸው ይመስላቸዋል:: ይህ አስተሳስብ ግን ራስን ማታለል ነው::

እግዚአብሔር ህሊናችንን ማዳመጣችንን እና ልባችንን ያያል እንጂ የሃይማኖት ሥራዎቻችንን እና የተለምዶ ሥነሥርዓቶችን መከተላችንን አይመለከትም::

እንግዲህ ንስሐ ማንኛቸውንም አይነት ጣኦቶችን መተው ይጨምራል:: ትክክለኛ ንሰሐ የተፈጠሩ ነገሮችን

ትተን ወደ ፈጣሪ በመመለስ እና የሚከተለውን በማለት ነው : " ኃያል የሆንክ እግዝአብሔር ሆይ አምልኮ እና አገልግሎት የሚገባው ላንተ ብቻ ነው:: እስከዛሬም የፈጠርካቸውን ነገሮች ስለማምለኬ ይቅር በለኝ:: ከአሁን ጀምሮ በህይወቴ ውስጥ የመጨረሻውን ከፍታ ቦታ የምሰጠው ላንተ በቻ ነው"

ንስሐ መግባት ማለት ሥራችንን ወይም ቤተሰቦቻችንን ትተን ባህታዊ ሆነን ወደ ጫካ መመነን አይደለም::

እግዝአብሔር ቤተሰብ እንዲኖረንና ሠርተን እንድንኖር ይፈልጋል::


ገንዘብን ከእግዚአብሔር በላይ መውደድ ኃጢአት ነው:: ነገር ግን ገንዘብን ማፍራት ኃጢአት አይደለም::

ስልጣኔ በሚሰጠን ምቾት መኖር ኃጢአት አይደለም:: ነገር ግን ይህን ምቾታችንን ከእግዚአብሔር በላይ መውደድ ኃጢአት ነው::

እግዝአብሔር በምግብ ፤ በእንቅልፍ ፤ በፍትወተ ሥጋ ደስታን እንድናገኝ አድርጎ ፈጥሮናል::

በነዚህም ምንም መጥፎነት የለም::

በየጊዜው ምግብን ወይም ዕረፍትን እንደምንፈልግ ሁሉ ፍትወተ ሥጋን መፈለግ የሚያሳፍር ነገር አይደለም!!

ነገር ግን ሲርበን ምግብ ሰርቀን አንበላም ወይም ሲደክመን ሥራ ቦታችን ላይ ሆነን አንተኛም!!

እንደዚሁም ሰውን በመድፈር የፍትወተ ሥጋ ፍላጎታችንን አናረካም:: ይህን ፍላጎት ለማርካት እግዝአብሔር

አንድ ወንድ ከአንድ ሴት ጋር አድርጎ ጋብቻን መሥርቷል:: ከጋብቻ ውጭ ያለ ማንኛውም የፍትወተ ሥጋ ግንኙነት ኃጢአት ነው:: ላደረግናቸው የፍትወተ ሥጋ ኃጢአቶች ንስሐ ገብተን ለወደፊትም ከእንደዚህ አይነት አድራጎት ርቀን በቅን ልቦና ወደ እግዝአብሔር መመለስ አለብን::

ሌላው ንስሐ የሚያስፈልገው ኃጢአት ሌሎችን ይቅር አለማለት ነው:: እግዝአብሔር ኃጢአታችሁን ይቅር እንዲላችሁ ከፈለጋችሁ እናንተም የበደሏችሁን ሁሉ ይቅር ማለት አለባችሁ::

እግዚአብሔር እንዳደረገላችሁ እናንተም እንዲሁ ለሌሎች ማድረግ አለባችሁ:: ይህን ካላደረጋችሁ ከእግዝአብሔር ይቅርታን አታገኙም::

ጌታችን እየሱስ ክርስቶስ እንደዚህ አለ "ለሰዎች ግን ኃጢአታቸውን ይቅር ባትሉ፥ አባታችሁም ኃጢአታችሁን ይቅር አይላችሁም" (ማቲዎስ ምዕራፍ ፮ ቅጥር ፩፭)

በጣም ለጎዳችሁ ሰው ይቅር ማለት ካቃታችሁ እግዝአብሔር ረድቶአችሁ ይቅር እንድትሉ በፀሎት ጠይቁ::

አቻ የሌለው የእግዚአብሔር ኅይልም ይህን እንድታደርጉ ያስችላችኃል:: እግዝአብሔር ልክ በሌለው ኃይሉ ከረዳችሁ ምንም የሚያቅታችሁ ነገር አይኖረም::

እግዚአብሔር ትላልቅም ሆኑ ትናንሽ ኃጢአቶቻችንን ይቅር ሊለን ይችላል:: ይህንንም ይቅርታ የምናገኘው ለኃጢአቶቻችንን ንስሐ ገብተን ስለአድራጎታችንም ከልብ ተፀፅተን እና ለወደፊትም ከኃጢአት ርቀን ለመኖር በቁርጥ ስንወስን ነው::

Chapter 6
ስለ እምነት ትክክለኛው እውነት

ከእግዚአብሔር ይቅርታን ለማግኘት ከንሰሐ ቀጥሎ የምያስፈለገን እምነት ነው::

መጽሐፍ ቅዱስ እንዲህ ይላል "ጸጋው በእምነት አድኖአችኋልና" (ኤፌሶን ምዕራፍ ፪ ቁጥር ፰)

ጸጋ ማለት የእግዚአብሔር እጅ ዕርዳታና በረከትን ሲያቀርብለን ሲሆን ፤ እምነት ደግሞ እንዚህ የቀረቡልንን እርዳታ እና እናበረከቶች እጃችንን ዘርግተን መቀበል ነው::

በፊት እንዳልነው በምርጫችን እንጂ በፕሮግራም እንደሚመሩ ሮቦቶች ሆነን እንድንኖር እግዝአብሔር አይፈልግም::

እግዝአብሔር መልካም እንደሆነ እና እጅግ በጣም እንደሚወዳችሁ ታውቃላችሁ?

እግዝአብሔር ልጁን እየሱስ ክርስቶስን ለኃጢያታችሁ በመስቀል ላይ እንዲሞት እንደላከው እና ከሶስት ቀን በኃላ ከሞት አስነስቶ ዛሬ በመንግሥተ ሰማያት እንዳለ ታምናላችሁ ?

ይህን ካመናችሁ ያለምንም መዘግየት እግዝአብሔር የሚሰጠውን ይቅርታ አሁኑኑ መቀበል ትችላላችሁ::

ከጌታችን ከኢየሱስ ክርስቶስ ስም ሌላ ከኃጢአት የሚያድነን ስም በምድር ላይ ፈፅሞ የለም:: እየሱስን እንደ ጌታችሁ እና አዳኛችሁ አድርጋችሁ ለመቀበል ፤ ሰዎች ሲጋቡ እንደሚያደርጉት ሌላውን ሁሉ ትታችሁ እሱ ላይ በቻ መጣበቅ ያስፈልጋል:: ለምሳሌ ጋብቻ ላይ ሴቲቷ የዱሮ ወዳጆችዋን ሁሉ ትታ እድሜዋን በሙሉ ከባልዋ ጋር አንድ ተሆናለች::

ከኢየሱስ ክርስቶስ ጋር ያለንን ግንኙነት እየሱስን እንደ ባል አድረጎ መጽሐፍ ቅዱስ ከመንፈሳዊ ጋብቻ ጋር ያመሳስለዋል:: ስለዚህ ሌሎችን እያመለካችሁ እና ለሌሎች እየጸለያችሁ እየሱስን መቀበል እንፈልጋለን ማለት አትችሉም:: መምረጥ አለባችሁ::

ይህን ምርጫ ማድረግ ከፈለጋችሁ ጊዜው አሁን ነው::

እሱ ከናንት መስማት ስለሚወድ የትም ቦታ ብትሆኑ ያዳምጣችኃል:: ተንበርክካችሁ እና አይናችሁን ጨፍናችሁ በዝገታና ከልባችሁ የሚከተለውን በሉ:

"ጌታ እየሱስ ክርስቶስ ሆይ ኃጢአተኛ ነኝ የኃጢአት ሥራዎቼን መተው ከልቤ እፈልጋለሁ:: ለኃጢአቶቼ

እንደሞትክና ከሞትም ተነስተህ ዛሬ ሕያው እንደሆንህ አምናለሁ:: ኃጢአቶቼን ሁሉ ይቅር እንድትለኝ

እለምነሃልሁ:: በልቤ እና በህይወቴ ውስጥ እንድትኖርና ከዛሬ ጀምሮ የህይወቴ ጌታ እንድትሆንልኝ

እለምነሃልሁ:: ከዛሬ ጀምሮ ጣኦት የሆኑብኝን ሁሉ ትቼ አንተን ብቻ አመልካለሁ::"


ይህ አንድ ደቂቃም ይማይፈጅ ቀላል ጸሎት ነው:: ነገር ግን ይህን ጸሎት ከልባችሁ ከጸለያችሁ ነፍሳችሁ ለዘለዓለም ትድናለች አሁኑኑ የእግዚአብሔር ልጆች ትሆናላችሁ::

ይህ እንደ አስማት ደንብ ወይም መመሪያ ሁኖ ቃሉን ያንበለበለ ሁሉ ይባረካል ማለት አይደለም:: ከልብ እና

በቅንነት መሆን አለበት:: ከልባችሁ ከሆን እግዝአብሔር ኃጢአታችሁን ይቅር ብሎ ይቀበላችሁ እና ልጆቹ

ያደርጋችኃል:: ከልባችሁ ካልሆነ ግን ሳትቀየሩ ትኖራላችሁ::

ክርስቶስን እንዲቀበሉ እግዝአብሔር ማንንም አያስገድድም:: እንደዚሁም ትክክለኛ የሆነ ክርስቲያን ሌሎችን

በማስገደድ ክርስቶስን እንዲቀበሉ አያደርግም :: በማስገደድ ከተደረገ ክርስቶስን እንደ መቀበል አይቆጠርም::

እግዝአብሔር ኃጢአታችንን ይቅር እንዳለን ፤ እንደተቀበለን እና ልጆቹ እንዳደረገን የሚያሳይ ዋስትና በጣም አስፈላጊ ነው:: እግዝአብሔር ያለዚህ ዋስትና እንድንኖር ስለማይፈልግ መንፈስ ቅዱስ በልባችን ውስጥ ሁኖ የእግዚአብሔር ልጆች እንደሆንን እንዲያረጋግጥልን አድርጓል :: እግዚአብሔርም በተጻፈው ቃሉ (በመጸሐፍ ቅዱስ) በሰጠን ቃል ኪዳን መሠረት ይሀንን ያረጋግጥልናን::

ጌታችን እየሱስ ክርስቶስ አንደዚህ አለ: "ወደ እኔም የሚመጣውን ከቶ ወደ ውጭ አላወጣውም" (የዮሐንስ ወንጌል ምዕራፍ ፮ ቁጥር ፫፯)

በክርስቶስ ቃል ኪዳን ላይ ሙሉ በሙሉ ለዘለዓለም መታመን እንችላለን::

ከላይ የተጠቀሰውን ጸሎት ለኢየሱስ ክርስቶስ ከልባችሁ ጸለያችሁ? ከጸላያችሁ በእርግጥ ወደ እሱ መጥታችኃል እሱም እንደተቀበላችሁ እርገጠኛ መሆን ትችላላችሁ:: ወደ እሱ ለመምጣት የናንተን ፋንታ ካደረጋችሁ እግዚአብሔር ደግሞ ሊቀበላችሁ የሱን ፋንታ እንዳደረገ እርገጠኛ መሆን ትችላላችሁ::

እግዝአብሔር እንደተቀበላችሁ ለማውቅ በስሜታችሁ አትተማመኑ:: ስሜት አካላዊ ነው:: በመሆኑም መንፈሳዊ ነገሮች ላይ በጣም አሳሳች ነው::

በስሜታችን መተማምን ማለት በአሸዋ ላይ ቤት እንደመሥራት ነው:: እምነታችንን በእግዚአብሔር ቃል ላይ

ማድረግ አለብን:: ይህንንም ማድረግ በዓለት ላይ ቤት እንደመሥራት ነው::

የእግዚአብሔር ልጆች መሆናችሁን ካረጋገጣችሁ ይህንን እውነት በግልጽ መናገር አለባችሁ:: መጽሐፍ ቅዱስ

በልባችሁ ያመናችሁትን በአንደበታችሁ ተናገሩ ይላል:: በአንደበታችሁ እየሱስ ክርስቶስ አዳኛችሁ እና ጌታችሁ

መሆኑን አስታውቁ:: ለጓደኞቻችሁ እና ለዘመዶቻችሁ ክርስቶስ ኃጢአታችሁን ይቅር እንዳላችሁ እና አሁን የሕይወታችሁ ጌታ መሆኑን ተናገሩ::

ከዚያም ከክርስቶስ ጋር ያላችሁን ግንኙነት በመጠመቅ ግለጹ:: ሕይወታችሁንና ልባችሁን ለክርስቶስ

ለመስጠት ከወሰናችሁ በኃላ ብዙ ሳትቆዩ ተጠመቁ:: ጥምቀት እንዲሁ በተለምዶ የሚደረግ የሃይማኖት ሥነሥርዓት አይደለም:: የኢየሱስ ክርስቶስ ብቻ መሆናችሁን ለእግዚአብሔር ፤ ለሰዎች ፤ ለመላእክቶች እና ለሰይጣን የምታሳዩበት ምስክርነት ነው::

ስትጠመቁ ሌላ ክርስቲያን ያሆነ ሰው በአብ ፤ በወልድ እና በመንፈስ ቅዱስ ስም ውሃ ወስጥ (በወንዝ ወይም በገንዳ) አጥልቆ ከውኃውም ውስጥ ሊያወጣችሁ ያስፈልጋል:: በዚህም ቅላል ድርጊት ዱሮ የነበራችሁት ሰው


መሞቱን ትመሰክረላችሁ:: በውሃ ውስጥ በጠቅላላ በመነከርም የዱሮው ሰው መቀበሩን በምሳሌ ታሳያላችሁ:: ከውሃ ውስጥ ስትወጡ አዲስ ሰው መሆናችሁን ታረጋግጣላችሁ (በመንፈስ አነጋገር ከሞት መነሳት ማለት ነው):: ከእንግዲህ የምትኖሩት እግዚአብሔርን ለማስደሰት በቻ ነው::

ገና ፍጹም አልሆናችሁም:: ፍጹምነት ዕድሜ ልክን ይፈጃል:: ነገር ግን የሕይወታችሁን አቅጣጫ ቀይራችኃል::

ከእንግዲህ ኃጢአት ማድረግን ወይም እግዝአብሔርን ማስቀየምን አትፈልጉም::

አሁን የመንግሥተ ሰማያት ዜጎች እና የእግዚአብሔር ልጆች ሆናችኃል ::

Chapter 7
ስለ መዳን ትክክለኛው እውነት

"እየሱስ" ማለት "አዳኝ" ማለት ነው""

አዳኝ ስለሆነም ወደ ምድር ሲመጣ "ኢየሱስ" ከሚለው ስም ጋር መጣ:: የመጣውም ሰዎችን ከኃጢአታቸው ሊያድናቸው ነው::

መዳን ይቅርታን ከማግኘት ይበልጣል::

የሚቀጥለውን ምሳሌ በመጠቀም ልዩነቱን እናያለን::

ለምሳሌ ከቤቴ አጠገብ ያለው መንገድ እየተሰራ ስልሆነ ትልቅ ጉድጓድ ተቆፍሮአል እንበል:: ትንሹን ልጄን "ልትወድቅ ስለምትችል ወደ ጉድጓዱ አትሂድ" እለዋለሁ:: ነገር ግን ልጄ ያልኩትን ሳይከተል ጉድጓዱን ለማየት ሲጠጋ ፲ ጫማ ጥልቀት ወደ አለው ጉድጓዱ ውስጥ ሲወድቅ በመጮህ ይጠራኛል::

ጩኸቱን ሰምቼ ስመጣ ልጄ ጉድጓዱ ዉስጥ ሁኖ ትእዛዝህን ስላልተከተልኩ በጣም አዝናለሁ ስለ ጥፋቴም ይቅርታ አርግልኝ ይላል:: ለምሳሌ "እሺ ይቅርታ ብዬሃለሁ:: ደህና ዋል" ብዬው ብሄድ ምንድን ነው ያደረግኩት? ይቅር ብየዋለሁ ነገር ግን አላዳንኩትም::

መዳን ይቅር ከመባል ይበልጣል:: ልጄን ለማዳን ከወደቀበት ጉድጓድ ውስጥ ማውጣት አለብኝ::

እየሱስ ይህን ሊያደርግልን ነው የመጣው:: ለኃጢአታችን ይቅርታን መስጠት በቂ አልነበረም:: በተጨማሪም ከኃጢአታችን ሊያድነን ነበር የመጣው::

ህሊናችንን ደጋግመን ባለመታዘዝ ትልቅ በሆነ የኃጢአት ጉድጓድ ውስጥ ወድቀናል:: ለጥፋታችን እግዝአብሔር ይቅርታ ቢያደርግልን ይህ ራሱ ግሩም ዜና ነው:: ታላቁ የኢየሱስ የምስራች ግን ኃጢአታችንን ይቅር ማለት በቻ ሳይሆን ከኃጢአት ኃይልም ስለሚያድነን ነው::

መዳንን የምናውቀው በሶስት ጊዜአት ነው: ያለፈው ግዜ ፤ የአሁን ጊዜ፤ የወደፊት ጊዜ:: ከሁሉ አስቀድመን ከኃጢአት ቅጣት መዳን አለብን:: ቀጥሎም ከኃጢአት ኃይል መዳን አለብን:: በመጨረሻም ኃጢአት ወደ ሌለቤት መንግሥተ ሰማያት ስንገባ ከኃጢአት ፈፅሞ እንድናለን::

ደህንንነት መጀመሪያ ላይ የኃጢአቶቻችን ይቅር መባል እና የቀሞውን ጥፋተኛነታችንን ማስሰረዝን ይጨምራል::

ነገር ግን ይህ በቂ አይደለም:: ለወደፊት ትክክለኛ ኑሮ ለመኖር የእግዚአብሔር እርዳታ ያስፈልገናል:: ይህንንም ለማድረግ እግዝአብሔር ኃይሉን ይሰጠናል::


የአእምሮ በሽተኞች ስለሚታከሙበት ሆስፒታል የሰማሁት ታሪክ አለ:: በሽተኞቹ ከመለቀቃቸው በፊት ከበሽታቸው ድነው በትክክል ያመዛዝኑ እንደሆነ ይመረምሯቸዋል:: ሲመረምሩም አንድ ክፍል ውስጥ የዉሃ ቧንቧውን እስከመጨረሻው ከፍተው ውሃው ውለሉ ላይ እየፈሰሰ፤ ለበሽተኛው ባልዲ እና መወልወያ ሰጥተው ወለሉን እንዲያደርቅ ይጠይቁታል:: በሽተኛው መጀምሪያ ቧንቧውን ሳይዘጋ ውለሉን ለማድረቅ ከሞከረ ማመዛዘን ደረጃ ላይ ገና አልደረሰም ማለት ነው!!::

ይሄ ነው የኛም ችግር:: በውስጣችን ኃጢአትን ያለማቋረጥ የሚያፈስ ቧንቧ አለ:: እየሱስ ያደረግናቸውን ኃጢአቶች ከማጽዳቱም በላይ ይህንን ቧንቧ የምንዘጋበትን ኃይል ይሰጠናል:: ይህ ባይሆን መጸሐፍ ቅዱስ የምስራች ባልሆነ ነበር::

መጸሐፍ ቅዱስ ወንጌልን (የምስራች) እንዲህ ብሎ ይገልጻል: "የእግዚአብሔር ኃይል ለማዳን ነውና" (ወደ ሮሜ ሰዎች ምዕራፍ ፩ ቁጥር ፩፮)::

የመጀመሪያው የኃይል ሁሉ ምንጭ የእግዚአብሔር ቃል ነው:: መጽሐፍ ቅዱስ ፈተና ሲገጥመን እንድናሸንፍ

የሚረዳን ኃይል ያለው መሳሪያ ነው:: በመጽሐፍ ቅዱስ ውስጥ እንደምናየው እየሱስ የሰይጣንን ፈተና ያሸነፈው በእግዚአብሔር ቃል ኃይል ነበረ (የማቲዎስ ወንጌል ምዕራፍ ፬ ቁጥር ፩ እስክ ፩፩)

ስለዚህም ነው የእግዚአብሔርን ቃል የማንበብ ልምድ ማድረግ ያለብን:: ይህንን ካደረግን እግዝአብሔር ቃሉን በመጠቀም ስለሚያናግረን እና ስለሚያጠነክረን በየቀኑ የሚገጥሙንን ትግሎች ለመቋቋም እንችላለን::

ለጎልማሶች መጽሐፍ ቅዱስ እንዲህ ይላል: "ብርቱዎች ስለ ሆናችሁ የእግዚአብሔርም ቃል በእናንተ ስለሚኖር ክፉውንም ስለ አሸነፋችሁ" (፩ኛ የዮሐንስ ወንጌል ምዕራፍ ፪ ቁጥር ፩፬)

ሁለተኛው የኃይል ምንጭ በውስጣችን ለመኖር የሚመጣው የእግዚአብሔር መንፈስ ቅዱስ ነው:: መንፈስ ቅዱስም በየቀኑ ሊያናግረን ፤ ስንፍጨረጨር ሊያጠነክረን እና የኢየሱስን አርአያነት በመከተል ደቀ መዘሙሮቹ እንድንሆን ሊረዳን በውስጣችን ለሁልጊዜ ይኖራል:: በመንፈስ ቅዱስ ያለማቋረጥ እንድንሞላ እግዝአብሔርን መጠየቅ አለብን::

ኢየሱስም እንደዚህ አለ: "እንኪያስ እናንተ ክፉዎች ስትሆኑ ለልጆቻችሁ መልካም ስጦታ መስጠት ካወቃችሁ፥ በሰማይ ያለው አባት ለሚለምኑት እንዴት አብልጦ መንፈስ ቅዱስን ይሰጣቸው?" (የሉቃስ ወንጌል ምዕራፍ ፩፩ ቁጥር ፩፫)::

ሶስተኛው የኃይል ምንጭ አንድ አይነት እምነት እና አስተሳስብ ያላቸው የክርስቲያኖች ህብረት ነው::

ብዙ ከሰል አንድላይ ሆኖ ሲቀጣጠሉ ቦግ ብለው ይታያል:: ነገር ግን አንዷን ከሰል (ምንም እንዃ ከሁሉም

ይበልጥ ቦግ ያለች ፍም ብትሆንም) ከመሃል አውጥተን ብቻዋን ብናረጋት ሳትቆይ ትጠፋለች:: ከሌሎች ክርስቲያኞች ተለይተን ለየብቻችን ተገንጥለን ለእግዚአብሔር እንኖራለን ብንል እኛም እንዲሁ ነው የምንሆነው::


ሆኖም "ክርስቲያኖች" ነን የሚሉ ሁሉ እወነተኛ ክርስቲያኖች ላይሆኑ ስለሚችሉ እዚህ ላይ መጠንቀቅ ያስፈልጋል::

እንዲያውም ክርስቲያኖች ነን ከሚሉት ውስጥ (የማንኛውም የሃይማኖት ወገን ወይም ድኖሚኔሽን ተከታዮች) ከመቶ ዘጠናው ያህል የእግዚአብሔር ልጆች አይደሉም:: ኃጢአታቸውን ትተው ክርስቶስን ጌታቸው እና አዳኛቸው አርገው ለመቀበል በግል አልወሰኑም:: ብዙዎች የአጋጣሚ ክርስቲያኖች ናቸው ፤ ማለትም ለክርስቲያን ወላጆች ስለተወለዱ ብቻ ክርስቲያኖች ነን ብለው የሚያምኑ ናቸው::

እንደነዚህ በስም ብቻ ክርስቲያን ነን ከሚሉት ርቀን እየሱስ ክርስቶስን በየዕለቱ መከተል ከሚሹ እና በልምምድ ክርስቲያን ከሆኑት ጋር ሕብረትን መፍጠር አለብን::

ክርስቶስን ጌታችን እና አዳኛችን አድርገን ስንቀበል ከላይ እንደምንወለድ እና የእግዝአብሔር ልጆች እንደሆንን መጽሐፍ ቅዱስ ይነግረናል:: አሁን እግዝአብሔር አባታችን ነው:: እንደምድራዊው አባታችን እግዝአብሔርም በምድር ለመኖር ለአካላችንም ሆነ ለመንፈሳችን የሚያስፈልጉንን ሁሉ ሊሰጠን ይውዳል::

ጌታችን እየሱስ ክርስቶስ የእግዚአብሔርን ፈቃድ ከሁሉ ካስቀደምን ሌሎች ለህይወታችን የሚያስፈልጉን ነገሮች ሁሉ እንደሚጨመሩልን ነግሮናል::

ኢየሱስም "ይህ ሁሉ እንዲያስፈልጋችሁ የሰማዩ አባታችሁ ያውቃልና። ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል" አለ። (የማቴዎስ ወንጌል ምዕራፍ ፮ ቁጥር ፫፫)

የእግዝአብሔር ልጅ አንደኛው ልዩ መብቱ የጸሎት መብት ነው:: ይህም ኃያል የሆነውን እግዚአብሔርን

ማናገር እና እግዝአብሔር ስያናግረንም በመንፈሳችን መስማት ማለት ነው:: እግዝአብሔር አብዛኛውን ጊዜ

በጆሮአችን በሚሰማን ደምጽ አይናገርም:: ሆኖም ልክ በጆሮ እንደሚሰማው ለውስጥ መንፈሳችን ይናገራል::

የልባችንን ጭንቀት ሁሉ ለእግዚአብሔር እንድንነግር እየሱስ አደፋፍሮናል::

ብዙ ሰዎች ሃዘናቸውን የሚያካፍሉት ስለሌላቸው ብቻቸውን ይጨነቃሉ:: የእግዚአብሔር ልጅ የሆነ ሰው ግን

ችግሩን ሁሉ የሚያካፍለው ሰማያዊው አባት አለው:: ምድር ላይ ሳለም የሚያስፈልገውን ነገር ሁሉ ለማግኘትም በሰማያዊው አባቱ ይተማመናል::

ነግሮችን እንዲቀየሩ ከፈለግን እግዝአብሔርን ቀይርልን ብለን እንድንጠይቅ ጌታችን እየሱስ ክርስቶስ አስተምሮናል:: ይህም ጸሎት የሚያደርገው ተአምር ነው:: እኛን ወይም ቤተሰቦቻችንን የሚጎዱ ነገሮችን (ነገሮች ሁሉ የሚሆኑት በእግዚአብሔር ፈቃድ ነው በማለት) መቀበል የለብንም:: ይህን ማድረግ ነገር ሁሉ በግድ ነው የሚል መናፍቅ ነው:: ይህም ለእግዚአብሔር ከመታዘዝ ይለያል:: እኛ ግን ማድረግ ያለብን የሚያስፈልገንን ነገር ሁሉ ከእግዚአብሔር መጠየቅ ነው::

የመጽሐፍ ቅዱስ ቃል ኪዳን እንዲህ ይላል " የሚያስፈልጋችሁን ሁሉ ይሞላባችኋል" (ወደ ፊልጵስዩስ ሰዎች ምዕራፍ ፬ ቁጥር ፩፱)።

እንደማንኛውም ብልህ አባት እንፈልጋለን ብለን የምንጠይቀውን ሁሉ እግዚአብሔር አይሰጠንም:: ለኛ መልካም ሆኖ የሚታየውን እና የሚያስፈልገንን ብቻ ይሰጠናል::


እግዝአብሔር መልካም ስለሆነ ማንኛውም መጥፎ ነገር ወደ ልጆቹ እንዲመጣ አይፈልግም:: ስለዚህ ከማንኛውም መቅሰፍት እንዲያድነን በድፍረት ወደ እሱ መሄድ እንችላለን::

ሰዎች ባደረጉባቸው አስማት ወይም ጥንቆላ የተነሳ በስቃይ ላይ ያሉ ይኖራሉ:: ልባችሁን እና ሕይወታችሁን

ለክርስቶስ ከሰጣችሁ ይህን የመሰሉ የሰይጣን ሥራዎች ሊጎዷችሁ አይችሉም:: ያሸናፊውን የኢየሱስ ክርስቶስን ስም ተጠቅማችሁ ሰይጣንን ማባረር ትችላላችሁ::

የኢየሱስ ክርስቶስን ስም በመጠቀም ከተቋቋማችሁት ማንኛውም አይነት አስማት ወይም ጥንቆላ እናንተንም ሆነ ልጆቻችሁን ሊነካ አይችልም:: የተደረገባችሁ የአስማት እና የጥንቆላን ኃይል ካለ የኢየሱስ ክርስቶስን ስም በመጥራት እና እንዲያድናችሁ በመጠየቅ አሁኑኑ ከላያችሁ ላይ ማስወገድ ትችላላችሁ::

እየሱስ በመስቀል ላይ ሲሞት ሰይጣንን እንዳሸነፈ እና ኃይሉን እንደወሰደበት መጽሐፍ ቅዱስ ይነግረናል:: ይህ

የተፈጸመ ድርጊት ነው:: ለኃጢአታችሁ ይቅር መባልን የምታገችኙት ይቅርታን በመቀበል እንደሆነ ሁሉ የሰይጣንንም በመስቀል ላይ መሽነፍም እንዲሁ መቀበል አለባችሁ:: ይህን እስክትቀበሉ የሰይጣን መሸነፍ በሕይወታችሁ እውነት ሆኖ አይታይም::

"እርሱ (እየሱስ) ደግሞ በሞት ላይ ሥልጣን ያለውን በሞት እንዲሽር፥ ይኸውም ዲያብሎስ ነው፥ በሕይወታቸውም ሁሉ ስለ ሞት ፍርሃት በባርነት(በሰይጣን) ይታሰሩ የነበሩትን ሁሉ ነጻ እንዲያወጣ" (ወደ ዕብራውያን ምዕራፍ ፪ ቁጥር ፩፬ እና ፩፭)

"እንግዲህ ለእግዚአብሔር ተገዙ፤ ዲያብሎስን ግን ተቃወሙ ከእናንተም ይሸሻል" (የያዕቆብ መልእክት ምዕራፍ ፬ ቁጥር ፯)

የእግዝአብሔር ልጆች ሆነንም ሰይጣን እንዲፈትነን እግዝአብሔር ይፈቅድለታል:: ይህንንም የሚያደርገው

እንድንጠነክር ስለሚፈልግ ነው:: አሁን ግን የእግዚአብሔር መንፈስ ቅዱስ ኃይል በውስጣችን ስላለ የሰይጣንን ውጊያ መቋቋም እና ማሸነፍ እንችላለን::

እግዝአብሔር ልጆቹ በምድር ላይ ሲኖሩ ከፈተና እና ከመከራ ነጻ የሆነ ሕይወት ይኖራቸዋል ብሎ ቃል አልገባም::

ከልጅነታቸው ጀምሮ በቅንጦት እና በመሞላቀቅ እንደሚያድጉ ለጆች ሳይሆን እግዝአብሔር ጠንካሮች እና መከራን ተቋቋሚዎች እንድንሆን ይፈልጋል:: ስለዚህም ሌሎችን ሰዎች የሚያጋጥሙ መከራ እና ፈተናዎች እኛንም እንዲፈትኑን ይፈቅዳል::

በማንኛውም ሁኔታ በምንፈተንበትም ጊዜ እግዚአብሔር በተአምር ሥራው ይረዳናል:: ስለዚህም በእነዚህ ፈተናዎች ውስጥ ማለፍ እግዝአብሔርን የበለጠ እንድናውቅ ያስችሉናል::

Chapter 8
ስለ ዘለዓለማዊነት ትክክለኛው እውነት

የእግዝአብሔር ልጅ ለሆነ ሁሉ ዘለዓለማዊነት አሁን በምድር ካለው ጊዜ የበለጠ ዋጋ አለው:: መንግሥተ ሰማያት በምድር ካሉ ነገሮች ሁሉ ይበልጥበታል::

ከሁለት ሺሀ አመታት በፊት እየሱስ ወደ ሰማይ ሲሄድ ተመልሶ ወደ ምድር እንንደሚመጣ ቃል ገብቶ ነበረ::

ይህንን ነው "የክርስቶስ ተመልሶ መምጣት" የምንለው::

ይህም በዚህ ዓለም ላይ ሁለተኛው ታላቅ ድርጊት ይሆናል::

የእግዝአብሔር ልጆች የሆኑ ሁሉ እየሱስ ወደ ምድር ተመልሶ ሲመጣ በምድር ላይ ስለነበራቸው ህይወት ለእግዚአብሔር ተጠያቂዎች መሆናቸውን ይገነዘባሉ::

የዚህ ዓለም ኑሮአችን በዘለዓለማዊው ጉዞአችን የምናልፍበት መንገድ ነው:: አሁን የሙከራ ጊዜ ውስጥ ነው ያለነው:: እግዝአብሔር በምድር ላይ የሚገጥሙንን ሁኔታዎችን በመጠቀም የምድር የሆኑትን ጊዜአዊ ነገሮችን ወይም ሰማያዊ እና ዘለዓለማዊ የሆኑትን እንደምንመርጥ ያያል::

ብልሆች ከሆንን ዘለዓለማዊውን አንመርጣለን::

ህጻን ልጅ የገንዘብን ዋጋ ስለማያውቅ ከ፻ ዶላር ኖት ይልቅ ብዙ ቀለም ያለበትን እና የሚያንጸባርቅ ወረቀትን ይመርጣል:: የዘለአለማዊውን እና የሰማያዊውን ነገር ትተን ምድራዊውን ስንመምረጥ እኛም እንደ ህጻኑ ልጅ መሆናችን ነው::

በመጽሐፍ ቅዱስ ይህ ዓለም እና በውስጡ ያለው ነገር ሁሉ አላፊ መሆኑን እግዝአብሔር በግልጽ ነግሮናል::

ጊዜአዊ ለሆኑት ለዚህ ዓለም ነገሮች መኖር ማለት አንድ ባንክ በቅርብ መክሰሩን እያወቅን ወደዚያው ባንክ ሄደን ገንዘባችንን ማስቀመጥ እንደማለት ነው::

ብልህ የሆነ ሰው ገንዘቡን ጽኑ በሆነ ባንክ ውስጥ ያስቀምጣል:: እንደዚሁም ጥበበኛ የሆኑ ሰዎች ዘለዓለማዊ

ለሆኑ ነገሮች ይኖራሉ:: እነዚህም ነገሮች ከዚህ ዓለም ስንሄድ አብረውን የሚሄዱ እንደ ንጽህና ፤ ፍቅር ፤ መልካምነት፤ ይቅርባይነት፤ ትህትና እና የመሳሰሉት ናቸው::

ስለ ኃጢአታቸው ንስሐ ሳይገቡ የሚሞቱ ሁሉ መጨረሻቸው የሚያስፈራ መሆኑን መጽሐፍ ቅዱስ ይነግረናል::

"ለሰዎችም አንድ ጊዜ መሞት ከእርሱ በኋላም ፍርድ እንደ ተመደበባቸው" (ወደ ዕብራውያን ምዕራፍ ፱ ቁጥር ፪፯)


አንድ ሰው ከሞተ በኃላ ምንም የመቀየር ዕድል አይኖረውም:: ከሰው ፈቃድ ውጭ ስለማይሰራ እግዝአብሔርም ይህን ሰው መቀየር አይችልም:: በምድር እያለን ለመቀየር ፈቃደኞች ስንሆን በቻ ነው እግዝአብሔር ሊቀይረን የሚችለው::

አንድ ቀን በምድር ላይ የኖሩ ሁሉ ከሞት ተነስተው በእግዚአብሔር ፊት ላሳለፉት ህይወት መልስ ይሰጣሉ:: መጽሐፍ ቅዱስ ሁለት ትንሣኤ እንዳለ ይናገራል:: ይህም የሞቱት እና አፈር የሆኑት በእግዚአብሔር መለኮታዊ ኃይል ሰውነት ኖሮአቸው ይነሳሉ::

የመጀመሪያው ትንሣኤ ክርስቶስን ተቀብለው ፤ኃጢአታቸው ተሰርዞላቸው፤ የእግዝአብሔር ልጆች ሆነው በምድር ላይ ሲኖሩ ለነበሩ ጻድቃን ነው::

ሁለተኛው ትንሣኤ እግዝአብሔር በኢየሱስ ክርስቶስ በኩል ያቀረበላቸውን የኃጢአት ይቅርታ ላለመቀበል መርጠው በዚሁ ሁኔታቸው ለሞቱት ሰዎች ነው:: ንስሐ ሳይገባ እና ለኃጢአቱ ይቅርታን ሳያገኝ የሚሞት ሰው ሁሉ አንድ ቀን በእግዚአብሔር ፊት ለፍርድ ቆሞ በምድር ላይ የነበረው ህይወቱ ይመረመራል:: በዚህን ጊዜም ይህ ሰው ለኃጢአቱ የዘለዓለም ፍርድ እንደሚገባው ለፍጥረት ሁሉ ይረጋገጣል::

ፍጥረት ሁሉ ላይ ያለውን ሁሉ ጥፋት የጀመረው እና ሰውንም ወደ ኃጢአት የመራው ሰይጣንም የዘለዓለም ቅጣቱን ያገኛል

ነገር ግን ትሑት ሆነው ፤ ኃጢአተኛነታቸውን አምነው እና ተናዝዘው ፤ ከኃጢአት ርቀው፤ በክርስቶስ በመስቀል ላይ ስለ ኃጢአታቸው መሞት የተነሳ ይቅርታን ከእግዚአብሔር የተቀበሉ ሁሉ እግዝአብሔር ወደ አለበት ለዘለዓለም ይገባሉ::

መንግሥተ ሰማያት ፍጹምነት፤ ሰላም ያለበት፤ ደስታ ያለበት ፤ መላእክቶች እና ድነው ከምድር የሄዱት እግዝአብሔርን የሚያመልኩበት ፤ የሚያመሰግኑበት እና በልዩ ልዩ መንገድ ለዘለዓለም እግዝአብሔርን የሚያገለግሉበት ቦታ ነው::

መንግሥተ ሰማያት በክርስቶስ አምነው ፤ ድነው ፤ ሲሞቱ የእግዝአብሔር ልጆች የነበሩትን ወዳጆቻችን ጋር የምንገናኝበት የደስታ ቦታ ይሆናል::

እወነተኛው የእግዝአብሔር ልጅ የሆነ ከእግዚአብሔር ጋር የሚሆንበትን ያንን ታላቅ ቀን ይናፍቃል::

እንግዲህ አሁን ትክክለኛውን እውነት ስለምታውቁ መልሳችሁ ምንድን ነው? እየሱስ ክርስቶስ ለኃጢአችሁ ይቅርታን እንዲሰጣችሁ እና የእግዚአብሔር ልጆች እንዲያደርጋችሁ የሚጠይቀውን ጸሎት ጸለያችሁ? ይህን ጸሎት መጸለያ ጊዜው አሁን እግዝአብሔር ለልባችሁ እየተናገረ ሳለ ነው:: ማንኛችንም መቼ እንደምንሞት እና ይህን ምድር ለቀን እንደምንሄድ አናውቅም:: አንዱ ቀን በምድር ላይ የመጨረሻ ቀናችን ይሆናል:: ይህ ቀን ከመምጣቱ በፊት ለኃጢአታችሁ ይቅርታን ማግኘታችሁን እና እግዝአብሔርን ለማግኘት ዝግጁ መሆናችሁን አረጋግጡ::